Gjatë 24 orëve të fundit në Shqipëri janë konfirmuar 23 raste të reja me Covid-19. 12 raste janë në Tiranë, 6 janë konfirmuar në Mat, 4 raste në Lushnje dhe 1 rast në Durrës.
Ndërkohë në QSUT është kryer një hetim epidemiologjik ku janë testuar 57 personel shëndetësor dhe pacientë, të cilët kanë rezultuar negativë.
Sa i përket rasteve në Mat, ato janë të lidhura me një paciente që ka qenë në Qendrën Spitalore Universitare në Tiranë.
Numri i përgjithshëm i të infektuarve ka shkuar në 1099. Në Spitalin Infektiv janë shtruar 23 pacientë, 5 prej të cilëve në terapi intensive. Gjatë 24 orëve të fundit numrit të të shëruarve i janë shtuar 28 qytetarë.
Ministria e Shëndetësisë njoftoi se numri total i tyre ka shkuar në 851. Deri më tani betejën me sëmundjen e kanë humbur 32 qytetarë.
Ministria e Shëndetësisë dhe Mbrojtjes Sociale apeloi qytetarët të tregohen të kujdesshëm.
?Ruani distancimin fizik mbi 1.5 metër. Kur nuk arrihet distancimi fizik përdorimi i maskës është i domosdoshëm. Ruani etiketën respiratore. Kur kolliteni apo tështini përdorni shami letre ose këndin e brrylit. Masat e higjienës personale duhet të kombinohen me larjen sa më të shpeshtë të duarve për më shumë se 20 sekonda. Evitoni ambientet e mbyllura dhe grumbullimet me shumë njerëz dhe kujdesuni për të moshuarit?, tha Eugena Tomini nga ISHP-ja. /tvklan.al
SUBSCRIBE to ?RTV KLAN? on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/
